Notorious criminal, arestado

Tiklo ang umano’y notoryus na kriminal sa isinagawang buy-bust operation kontra sa ilegal na pagbebenta ng baril sa Navotas City, kahapon ng madaling-araw.

Kinilala ni District Special Operation Unit (DSOU) Head P/Maj. Timothy Aniway, Jr., ang naarestong suspek na si Marcelino Reyes, Jr., 46, binatilyo ng Bgy. NBBS.

Sa imbestigasyon nina PCpl. Berzon Embile at PCpl. Elmer Garcia, alas-4:30 ng madaling-araw nang ikasa ng mga operatiba ng DSOU ang buy-bust operation kontra sa ilegal na pagbebenta ng baril laban sa suspek malapit sa kanyang bahay.

Agad dinamba ng mga operatiba ang suspek matapos iabot sa pulis na umaktong buyer ang cal. .38 revolver kapalit ng P1,500 marked money.

Nang kapkapan, nakumpiska sa suspek ang dalawang sachets ng shabu na nasa P5,000 ang halaga at buy-bust money.