Wally, naka-bronze sa World Wushu

Sinungkit ni 2018 Jakarta-Palembang Asian Games bronze medalist Divine Masadao Wally ang unang medalya ng bansa sa 15th World Wushu Championships sa Shanghai, China.

Ang 2016 Asian Championship titlist ay hindi nakaligtas kay Vietnamese bet Thi Chinh Nguyen sa iskor na 0-2 sa semifinal match sa women’s 48kgs category upang makuha ang bronze medal finish. Ang 25-anyos na Cordillera pride ay naghahanda para sa nalalapit na Southeast Asian Games sa bansa na nais makatulong sa pagkuha ng gold medal sa overall title rito.

Nanaig sa quarterfinals si dating World champion Arnel Mandal nang talunin si Moziane Salim ng Algeria sa men’s 52kgs category habang panalo rin si Russel Diaz, 2-1 sa men’s 48kgs division sa Sanda events.

Nabigo sa women’s 52-kgs category si Jennifer Kilapio sa quarterfinals match ganun din sa Taolu event si 2017 SEAG gold medal winner Agatha Chrystenzen Wong ng women’s Taijijian event na nalagay sa 11th place, 9.353 points. Si Wong ay umangkin ng 2 medalya sa 2017 Malaysian meet nang kunin nito ang nag-iisang gold medal ng bansa sa Taijuquan events at silver medal sa Taijijian.

Si 2015 SEAG gold medal winner Daniel Parantac sa Taijiquan event ay 5th place sa 9.616 points habang 12th place si Jones Llabares Inso na may 9.536. Umaasa naman na magwawagi pa sina Gideon Padua (men’s 60kgs), Carlos Baylon Jr. (men’s 56kgs) at Clemente Tabugara Jr (men’s 65kgs) sa Sanda events.