PNP-CIDG, na-pressure lang kay Sen. Gordon kaya kinasuhan si Gen. Albayalde
SIGURO TINABLAN NG HIYA SINA PHILLIP SALVADOR AT CESAR MONTANO KAYA HINDI NA SILA SUMAMA KAY P-DUTERTE SA JAPAN—Sa tuwing nagpupunta sa ibang bansa si P-Duterte, palaging nakabuntot ang mga aktor na sina Phillip Salvador at Cesar Montano kaya palagi rin silang nababatikos ng publiko dahil hindi naman sila taong-gobyerno para gastusan ng taxpayers, pero nang magtungo ang pangulo sa Japan, hindi na sumama ang dalawang aktor.
Siguro, tinablan din ng hiya sina Salvador at Montano at ayaw nang ma-bash ng netizen kaya hindi na sila bumuntot kay P-Duterte sa Japan, boom!
◘◘◘
GEN. ALBAYALDE, BAKA SUMAPI SA DILAWAN?—Base sa isinumiteng Senate report ng komite ni Sen. Richard Gordon sa PNP tungkol sa testimonya ng mga retired generals na nagsasangkot kay dating PNP Chief Gen. Oscar Albayalde, nagpasya ang Criminal Investigation and Detection Group (CIDG) na sampahan na ng kaso sa DOJ ang dating PNP chief.
Naku, baka kapag natantiya ni Gen. Albayalde na tutuluyan siya ng CIDG at DOJ, baka bigla itong sumapi sa dilawan at tumestigo laban kay P-Duterte at ibulgar na totoong may state sponsored na EJK sa bansa? Abangan!
◘◘◘
PARA MATIGIL NA SI SEN. GORDON SA KADADAKDAK, KAHIT WALANG EBIDENSIYA, KINASUHAN PA RIN NG CIDG SI GEN. ALBAYALDE—Sinabi ni PNP-CIDG lead investigator Col. Joseph Orsos na bagama’t, kinasuhan na nila si ex-PNP Chief Gen. Oscar Albayalde, inamin niyang wala raw silang makitang ebidensiya na sangkot ito sa kontrobersiyal na “ninja cops” sa Pampanga noong 2013.
Parang sinabi na rin ni Col. Orsos na para matigil na ang kadadakdak ni Sen. Richard Gordon laban kay Gen. Albayalde, sinampahan na lang nila ng kaso ang dating PNP chief kahit walang ebidensiyang sangkot ito sa “ninja cops”, boom!
◘◘◘
MAGHU-JUETENG NA SI “POLDI” NG ISABELA, DAPAT IPA-"TOKHANG” NA—Tinatalo raw ng raket na jueteng ni “Poldi” ang operasyon ng STL sa Isabela.
Dapat aksiyunan ito ni PCSO General Manager Royina Garma at hilingin niya kay PNP-Officer-in-Charge (OIC) na i-”tokhang” si “Poldi” para matigil na ang raket na jueteng nito at nang sa gayun ay kumita ang legal na STL sa lalawigan, period!
Comments