101 LGUs, bagsak sa clearing operations
- V. Reyes
- Oct 23, 2019
- 1 min read
Pinadalhan na ng show cause order ng Department of the Interior and Local Government (DILG) ang 101 Local Government Units (LGUs) na nabigong makasunod sa direktibang linisin ang mga bangketa at kalsada sa kanilang nasasakupan.
Ayon kay DILG Spokesperson Undersecretary Jonathan Malaya, lumabas sa resulta ng isinagawang evaluation sa accomplishment reports ng 1,516 LGUs sa kanilang paglilinis sa loob ng 60 araw, bagsak ang 101 sa mga ito.
Kasunod ng ipinalabas na show cause order ay hihintayin ng DILG ang magiging tugon at paliwanag ng mga lokal na opisyal.
Kailangan nilang ipaliwanag kung bakit hindi sila nakatugon sa utos ni Pangulong Rodrigo Duterte na linisin ang kanilang nasasakupan sa road obstructions.
Muling magsasagawa aniya ng validation sa mga LGU ang mga awtoridad sa Disyembre.
Comments