Tita, kaya raw isinugod sa ospital… Julia, todo-deny na sinaktan si Claudine

Ronalyn Seminiano / Showbiz Trends

Photo: @DZMMTeleRadyo (right)

Balik na sa pagtatrabaho ang young actress na si Julia Barretto matapos ang pamamaalam sa kanyang lolo na si Miguel “Mike” Barretto.

Kahapon, Oct. 21, ibinalita ni Julia na mayroon silang ginagawang series ng aktor na si Tony Labrusca titled I Am You na ipa­palabas sa iWant.

Sa isang interview with Julia, sinabi niya na masaya siya sa bagong project.

“We prayed with the whole team just for protection and for strength and for people to accept and really appreciate the hard work that we are going to be putting into this project.

“More than anything else, excited po ako sa lahat po na dumarating na pro­yekto at mga blessing. It’s going to be exciting the next couple of months and even more exciting 2020. God is good. God is so good,” dagdag pa ng young actress.

Nagpasalamat din si Julia sa lahat ng mga nakiramay sa kanilang pamilya sa pag­­kawala ng kanyang mahal na lolo.

Samantala, natanong si Julia tungkol sa nangyari sa burol ng kanyang lolo na mainit na pinag-uusapan ngayon.

Sagot ni Julia, “I think it’s also nice if everybody would give the family the privacy and the respect to resolve their issues. Pero wala po kasi akong kinalaman diyan, eh. Hindi ko po masasagot ‘yung mga tanong tungkol sa kanila kasi nga po it’s not my battle. Hindi ko po siya laban. I will be praying for them. Pero for now, my energy, my time, I would like to spend it on the blessings that I have been receiving. God has been so good.”

Payo rin niya sa lahat, “Protect your energy and protect your time and i-spend natin ‘yan sa mga bagay na mabuti. Let’s be kind to each other.”

Pero ayaw tumigil ng mga nagtatanong at muling kinulit si Julia sa nangyari sa burol ng kanyang lolo kaya sagot lang ng aktres, “‘Yung mga magkakapatid lang po ang ma­­kaka­sagot niyan. I cannot speak for them. Hindi ko po laban, eh. Hindi ko laban. I don’t have the right to speak for any of them.”

Pinabulaanan din ng aktres ang kumalat na balitang sinaktan niya ang kanyang Tita Claudine kaya isinugod ito sa ospital.

Aniya, “Wala pong katotohanan. Wala pong katotohanan.”