High blood, minsan may sintomas, minsan wala
Dear Doc. Shane, Ako ay 56 years old at sa awa ng Diyos, wala akong nararamdamang sakit sa katawan. Pero ang nakapagtataka, nang kinuha ang BP ko, saka ko nalamang mataas pala ang aking presyon na 150/90. Inulit ito kinabukasan, pero mataas pa rin na 155/90. Puwede bang maging high blood ang tao kahit wala naman itong nararamdamang anumang sintomas? — Salvador
Sagot Mayroong ilang kaso kung saan high blood ang pasyente, pero wala siyang anumang nararamdamang sintomas kaya kailangang ma-monitor o regular na nagpapakuha ng BP ang pasyente, partikular ang mga nagkakaedad.
Narito ang ilan sa mga sintomas na nararanasan ng mga high blood:
Pagsakit ng ulo o batok
Madalas makaramdam ng pagod
Pagkahilo
Kung apektado ang puso, puwedeng makaramdan ng kabigatan sa dibdib
Narito ang ilan sa mga dapat gawin upang mapigilan ang paglala ng high blood:
Iwasan ang matataba at maaalat na pagkain
Kumain ng madadahong gulay (green leafy vegetables) at prutas
Sikaping magkaroon ng sapat na tulog
Iwasan ang mga nakaka-stress na bagay
Ugaliing magkaroon ng regular na ehersisyo
Comments