Police official itinalaga sa Bacolod.. Espenido, lisensiyadong pumatay — P-Duterte

Inamin ni Pangulong Rodrigo Duterte na binigyan niya ng lisensiya si Police Lt. Col. Jovie Espenido na pumatay ng sinumang maghahasik ng ilegal na droga sa Bacolod City.

Ayon sa pangulo, badly hit ng illegal drugs ang naturang lalawigan.

Ito umano ang dahilan kung bakit inilagay niya si Espenido sa naturang lugar upang masugpo ang bentahan ng droga rito.

“Bacolod is badly hit now. And I placed Espenido there, ‘yung kinatakutan nila na pulis. Sabi ko, ‘Go there and you are free to kill everybody.’ T— ina. Start killing them.’ Dalawa na tayo magpapreso,” ani P-Duterte sa kanyang talumpati sa 45th Philippine Business Conference and Expo sa Manila Hotel.

Matatandaang, naging kontrobersiyal si Espenido matapos maging chief of police ng Albuera, Leyte kung saan napatay sa police operations ang hinihinalang drug lord na si Mayor Rolando Espinosa, Sr. noong 2016.

Noong 2017 ay inilipat si Espenido sa Ozamiz City kung saan napatay sa operasyon ang alkalde roon na si Reynaldo Parojinog, Sr. Sa isang pahayag, sinabi ni Espenido na target niya ang ‘malalaking isda’ sa Bacolod na sangkot sa bentahan ng droga.