Champ St. Clare, Phinado at kickboxing, tampok sa TOPS

Pangunahing panauhin ang bagong kampeon na PBA D-League champion BRT Sumisip Basilan-St. Clare sa 44th “Usapang Sports” ng Tabloids Organization in Philippine Sports (TOPS) ngayong Huwebes, Okt. 17 sa National Press Club.

Inaasahan na magsasalita sina Basilan coach Steve Tiu, assistant coaches Jerson Cabiltes at Jino Manansala at iba pang top players na sina Jhaps Bautista, Hesed Gabo at Alfred Batino hinggil sa matagumpay nilang pagsungkit sa korona laban sa Marinerong Pilipino.

Darating din bilang guest ng 10 a.m. forum sina Philippine National Anti-Doping Organization (PHINADO) president Dr. Alejandro Pineda at Wu Lin Feng Global Fighting Championships-Philippines promoter Maynard S. Marinas, Aaron Catunao ng Fight Night Productions at local kickboxing champions Mark Alcoba at Dindo Camansa. Tatalakayin din ni Dr.Pineda ang anti-doping activities ng gobyerno sa tulong ng Philippine Sports Commission (PSC) at iba pang government agencies.

Magsasalita rin sina Marinas at Catunao hinggil sa unang professional kickboxing competitions sa bansa sa Okt. 23 sa Cove, Okada Manila maging ang tsansa nina Alcoba at Camansa kontra sa Chinese opponents sa blockbuster promotion na sanctioned ng Games and Amusement Board (GAB).

Iniimbitahan ng TOPS ang lahat ng officers at members ng TOPS, mga kaibigan sa sports community na dumalo sa sesyon ng Philippine Sports Commission, National Press Club, PAGCOR at Community Basketball Association na pinapalabas sa Facebook live via Glitter Livestream.