Nakakabilib na SEAG athletes swak sa Go for Gold at PCSO

Mahigit sa 100 National Athletes mula sa iba’t ibang National Sports Associations (NSAs) ang nagpakita ng pinakamahuhusay na porma parehong sa lokal at international competitions.

Kung kaya naman ay ibayong suporta ang ipagkakaloob ng Go For Gold Philippines at ng Philippine Charity Sweepstakes Office (PCSO) sa mga tagumpay na Filipino athletes para sa nalalapit na 30th Southeast Asian (SEA) Games na idaraos sa bansa sa Nob. 30-Dis. 11.

Ang mga atletang lalaban para sa bansa ay sina Asian Games champion Margielyn Didal (skateboarding); Nikko Huelgas at Kim Remolino (triathlete); Daniel Ven Carino at Ismael Grospe Jr. (cyclists) at International Master Marvin Miciano (chess).

Ang Go For Gold program ay isang corporate social responsibility ng Powerball Marketing and Logistics Corporation for sports, ang tagagawa ng Scratch It game cards sa ilalim ng PCSO. Pinulong ni PCSO general manager Royina Garma ang mga naturang National Athletes at binilinan na sikaping magtagumpay sa kanilang larangan sa isang press conference sa Conti’s Restaurant sa Shaw Boulevard sa Mandaluyong City noong Lunes. “I believe our athletes are all very well-prepared and highly-motivated. I’m sure that we will have a very good performance,” ayon kay Go For Gold godfather Jeremy Go.

Tinutulungan din ng Go For Gold program ang national teams ng sepak takraw at dragon boat. Ang Dragon Boat team ay nagwagi ng five golds sa world championships sa United States ng nakaraang taon. Ang iba pang atleta sa Go For Gold pool ay ang mga siklistang sina Jonel Carcueva, Ronnel Hualda at Edmhel Flores at wrestlers Cadel Hualda, isang SIKLAB Youth awardee at Margarito Angana.