Employer na hindi nag-remit ng SSS ng tauhan, magbabayad na, magmumulta pa

Dr. Persida V. Rueda-Acosta / Magtanong Kay Attorney

Dear Chief Acosta, Mayroon bang pananagutan ang employer na hindi nag-remit ng naiawas na kontribusyon ng kanyang mga empleyado sa Social Security System (SSS), bukod pa sa mga kasong kriminal na maaaring kaharapin ng mga opisyal nito? — Fannie

Dear Fannie, Para sa inyong kaalaman, ang Section 22 (a) ng Republic Act No. 11199 o “Social Security Act of 2018” ang angkop sa inyong katanungan. Ayon sa nasabing batas:

“Section 22. Remittance of Contributions -

(a) The contribution imposed in the preceding section shall be remitted to the SSS within the first ten (10) days of each calendar month following the month for which they are applicable or within such time as the Commission may prescribe. Every employer required to deduct and to remit such contributions shall be liable for their payment and if any contribution is not paid to the SSS as herein prescribed, the delinquent employer shall pay besides the contribution a penalty thereon of two percent (2%) per month from the date the contribution falls due until paid. If deemed expedient and advisable by the Commission, the collection and remittance of contributions shall be made quarterly or semi-annually in advance, the contributions payable by the employees to be advanced by their respective employers: Provided, That upon separation of an employee, any contribution so paid in advance but not due shall be credited or refunded to his employer” (Binigyang-diin).

Sang-ayon sa nasabing batas, ang delinquent employer, bukod sa pagbabayad sa hindi ini-remit na kontribusyon ay mayroong karagdagang pananagutan sa pagbabayad ng penalty sa halagang dalawang porsiyento (2%) kada buwan hanggang sa mabayaran ang lahat ng kanyang obligasyon sa SSS.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.