Minsupala games, tampok sa tour of Mindanao

Itatampok ng Tour of Mindanao ang Mindanao-Sulu-Palawan (MinSuPala) Games 2020 mula sa pagtataguyod ng co-organizers Mindanao Development Authority (MinDA) at Philippine Sports Commission (PSC) sa kanilang second meeting kasama ang stakeholders noong Okt. 12 sa Pinnacle Hotel and Suites sa Davao City.

Maaalalang si Secretary Emmanuel Piñol, na unang pinamunuan ang MinDA, kasabay ng Marlboro Tour tuwing summer ay dati na itong inaabangan hindi lang ng mga siklista kundi maging ng sportswriters.

Nagkaideya siya muli rito dahil ang Malaysia, ang BIMP-Eaga partner ng MinDA, ay nagdaraos din ng regular na multiple stage cycling race na kilalang Tour de Langkawi. Kaya naman nagmungkahi siya kay PSC Chairman William I. Ramirez na muling buhayin ang Tour of Mindanao at palakasin ang MinSuPala Games.

Ikinumpara niya kung paanong ang na-defunct nang Mindanao Friendship Games sa sa Tubod, Lanao del Norte (2001); Cagayan de Oro City (2002) at sa Mati, Davao Oriental (2003) ay nakapaghatid ng malawakang kapayapaan sa isla dahil marami sa Mindanao local government units (LGUs) ang lumalahok dito.