Kahit may GF si boy, may BF si girl… Mikoy at Mikee, sabay lagi sa taping ng serye ni Alden

Vinia Vivar / Frankly Speak

Magkapitbahay lang pala sina Mikee Quintos at Mikoy Morales kaya nagsasabay na raw sila papunta sa taping ng The Gift pati na rin sa pag-uwi. Eight minutes away lang daw kasi ang pagitan nila. Taga-Sam­paloc si Mikee at sa Tomas Pinpin naman si Mikoy na ayon sa aktor-singer ay nu’n lang niya nalamang mag­kalapit sila.

“Nu’ng first day ng taping, nagyaya siya ng breakfast sa bahay niya bago pumunta ng set,” kuwento ni Mikoy. “Tapos nu’ng winaze ko, ‘Tama ba ‘to, 8 minutes away?’ Tapos, parang mga limang liko, nandu’n na ako.”

Kaya buhat daw nu’n, every taping ay sabay na sila.

Matagal nang magkaibigan sina Mikee at Mikoy na talagang friends lang dahil pareho naman silang in a relationship.

As we all know, ang dyowa ni Mikoy ay ang fellow Kapuso talent na si Thea Tolentino habang si Mikee naman ay non-showbiz ang boyfriend.

Pero ayon kay Mikee, dito raw sa The Gift, mas nakilala pa niya si Mikoy at mas naging close pa sila na tipong nagsasabihan at nagkukuwentuhan na ng mga malalalim na bagay.

Ginagampanan ni Mikee sa The Gift ang papel na Amor habang si Mikoy naman ay si Bistek. Kaba­bata nila si Sep (Alden Richards) at pare-parehong lumaki sa Divisoria.