Si Ryan daw ang pinili dahil matangos ang ilong… Ibinuking ni Vice: Vhong at Jhong, nag-away dahil k

Ronalyn Seminiano / Showbiz Trends

Ibinuking ng Unkabogable Star na si Vice Ganda sa Tawag ng Tanghalan sa It’s Showtime noong Lunes (Oct. 7) na niligawan noon ng mga co-hosts niyang sina Vhong Navarro at Jhong Hilario ang Teleserye Queen na si Judy Ann Santos.

Habang ini-interview at inookray nina Vice at Vhong si Lance Raymundo sa Celebrity Edition ng TNT, napag-usapan nila ang Pieta. Sinabi ni Lance na kabilang siya sa Pieta noon kung saan nakasama niya si Vice, gayundin ang asawa ni Judy Ann na si Ryan Agoncillo. Dito na ibinuking ni Vice sina Jhong at Vhong na parehong nakatikim ng pambabasted ni Juday.

Sabi ni Vhong kay Lance, “Kasama raw kayo dati sa Pieta?”

Tumingin si Lance kay Vice at sinabing, “Yes, dati. Pieta, ‘yung kay Ryan Agoncillo dati na show.”

Sabi naman ni Vice, “Ah, oo. ‘Yung teleserye dati sa hapon. Si Ryan Agoncillo na naman, ‘yung asawa ni Judy Ann Santos na dating niligawan nina Jhong!” habang itinuturo si Vhong.

Mabilis na depensa ni Vhong, “Pare, ‘wag na nating balikan ‘yun, pare! Nakakahiya, eh.”

Inulit ni Vice ang pambubuking sa dalawa, “Si Ryan Agoncillo ‘yung bida ru’n, ‘di ba? Tapos, asawa ni Judy Ann, niligawan dati ni Vhong at saka ni Jhong, nag-away sila.”

Makikitang gusto nang pigilan ni Vhong si Vice sa pambubuking, pero wala siyang magawa para tumigil ang komedyante-host.

“Pero pareho lang naman kayong nabasted, ‘di ba?” dagdag pa ni Vice.

Sabi naman ni Vhong, “Basted ako ru’n, pare, sakit nga sa heart, eh,” habang kunwaring umiiyak.

Biro pa ni Vice, “Siyempre, tinitigan kayo ni Judy Ann, sabi niya ‘Ah, my God, hindi pointy nose,’” sabay tawa.

Sagot naman ni Vhong, “Tablado nga.”

Biglang sumagot si Jhong ng “Past is past, pare.”

Sabi naman ni Vice, “Maayos na ang buhay nina Juday ngayon.”

Dugtong naman ni Vhong, “Masaya na siya, pare.”

‘Kalokah! Nabuhay ang nakaraan!