Espejo at Bagunas, aasahan sa PHL volley team sa SEAG

Sasandal sa mabi­bigat na kamay nina dating Ateneo star at UAAP Most Valuable Player Marck Es­pejo at National Univer­sity best player Bryan Bagunas ang koponan ng 14-man Philippine men’s volley­ball team sa darating na 30th Southeast Asian Games simula Nob. 28-Dis. 10 na gaganapin sa Ninoy Aquino Stadium.

Pangungunahan ng heavy-hitters na sina Es­pejo at Bagunas, ang lo­cal-spi­kers na paniguradong bibit­bitin ang opensa ng pam­bansang koponan.

Ang 22-anyos na 3-time UAAP champion na si Es­pejo ay napasok sa national team sa unang pagkakataon matapos itong hindi naka­paglaro sa 2017 biennial meet dahil sa academic du­ties sa Ateneo.

Naglaro rin si Espejo sa Weisse Adler sa V League sa Oita City sa Japan, ha­bang kasalukuyan itong nag­lalaro sa Cignal HD sa The Spi­kers’ Turf Sea­son 4 Open Conference.

Makakasama nina Es­pejo at Bagunas sa natio­nal team sina John Vic De Guz­man, Mark Alfafara at Jo­shua Umandal ng PLDT, at heavy hitter Ran Abadilla ng Air Force.

Magmamaniobra sa opensa sina Cignal’s Ish Pol­vorosa, Air Force’s Jes­sie Lopez at National Uni­ver­sity setter Joshua Reta­mar.

Kukumpleto sa pam­bansang koponan sina Air Force’s Kim Malabunga at Francis Saura, Cignal’s Rex Intal, habang sina NU’s Ricky Marcos at Navy’s Jack Kalingking ang mga liberos.