Sikretong diyeta ng mga Atletang pa-SEAG, ihahayag

Ano nga ba ang sikreto at nasa likod ng tinatamasang tagumpay ni Rio Olympian Hidilyn Diaz, boxing champion Jerwin Ancajas at PBA team Talk N Text?

Ito ang mainit na tutugunan ni Well-known nutrionist/dietitian Jeaneth Aro sa kanyang espesyal na presensiya sa 43rd “Usapang Sports” ng Tabloids Organization in Philippine Sports (TOPS) bukas (Oct. 10) sa National Press Club sa Huwebes.

Tatalakayin niya ang importansiya ng tamang nutrisyon at Aro diet para sa Filipino athletes na nakatakdang sumabak sa 30th Southeast Asian Games sa Manila sa Nobyembre 30-Disyembre 11.

Isang BS Nutrition graduate sa University of the Philippines-Dliiman, si Aro ang siya ring nutrition coach ni Meggie Ochoa, ang Association of Boxing Alliances of the Philippines (ABAP), La Salle Greenhills swimming team, UP taekwondo team, at Nutrifit Philippines.

Tatalakayin din ni Pepe Munoz - ang Secretary-General ng Philippine Amateur Baseball Association (PABA) ang hinggil sa paglahok ng bansa sa BFA Asian baseball Championships sa Okt. 14 sa Taiwan.

Inimbitahan din ni TOPS president Ed Andaya ang lahat ng mga opisyal at members, kasama na ang kaibigan sa sports community na dumalo sa sesyon na ipinapalabas ng live sa Facebook via Glitter Livestream.

Ang TOPS ay kinabibilangan ng editors, reporters, columnists at photographers ng mga pangunahing national tabloids sa bansa.