Bagyong Perla, hahataw

Maaaring sa kalagitnaan ng linggong ito pumasok sa karagatang sakop ng bansa ang isang sama ng panahon.

Ang paparating na bagyo ay may international name na “Hagibis” at bibigyan ng local name na “Perla” kapag pumasok na sa Philippine area of responsibility (PAR).

Huli itong namataan sa layong mahigit 3,000 km sa silangan ng Luzon. May lakas na 85 kph at may pagbugsong 105 kph. Kumikilos ang bagyo nang pakanluran sa bilis na 30 kph.

Kaugnay nito, nilinaw ng PAGASA na wala pang epekto sa bansa ang nasabing papalapit na bagyo.