‘Sports for all’ sa ASEAN sports ministerial meeting

Sampung mga miyembro ng ASEAN at Japan ang nagdaos ng pulong kahapon bilang bahagi ng 5th ASEAN Ministerial Meeting on Sports (AMMS-5) at iba pang kaugnay na pagpupulong para sa 5-araw na schedule.

Host ang Philippine Sports Commission sa event na pinamumunuan ng ASEAN Secretariat on Education, Youth and Sports. Ayon kay PSC Chairman William Ramirez, na pinuno ng AMMS-5 ngayong 2020, “this is another chance to connect with our neighbors and together strengthen the foothold of sports in the everyday lives of our people.”

Umaasa ang sports chief na magpopokus ang agenda sa pagsasa-prayoridad ng “sports for all” sa lahat ng miyembro ng ASEAN.

Naroon sina Excellency Sar Sokha ng Cambodia; Mr. Phouvanh Vongsouthi ng Lao PDR; Mr. Tan Wei Ming ng Singapore; Ahmad Shapawi Bin Ismail ng Malaysia; His Excellency Aminuddin Ihsan Pehn Dato HJ Abidin ng Brunei-Darussalam; Mr. Mya Than Htike ng Myanmar; Mr. Kumekawa Hirokazu ng Japan; Ms. Le Thi Hoang Yen ng Vietnam at si Excellency Phiphat Ratchakitprakarn.

Pagpupulungan dito ang hinggil sa implementasyon ng regional projects at activities base sa ASEAN Work Plan on Sports para sa 2016-2020, ang ASEAN bid para sa FIFA World Cup, pagtatatag ng eSports SEA Foundation at pag-uusap hinggil sa desisyon ng nakaraang AMMS at SOMS meetings. Ang resulta ng inisyal na assessments para sa ASEAN meetings ay bibigyan ng prayoridad.

Ang 2nd ASEAN Plus Japan Ministerial Meeting on Sports ay idaraos bukas, Okt. 9. Lalahok din ang delegates mula sa UNESCO, SEARADO, FIFA, UN Women, ASEAN Chess Federation, ASEAN Para Sports Federation, ASEAN Football Federation at Right to Play Thailand Foundation.