Tiniyak sa Kongreso.. Pondo sa Universal Health Care, safe

Pinawi ang agam-agam ng ilang senador sa pagta­ta­tag ng mga Malasakit Center sa buong bansa.

Unang sinagot ni Sena­dor Christopher Lawrence ‘Bong’ Go ang tanong ni Sen. Franklin Drillon kung maaapektuhan ba ng Ma­lasakit Bill ang pagbibigay ng tulong ng tanggapan niya sa mahihirap.

Ayon kay Go, walang maaapektuhan at walang pi­piliing tulungan, basta Pili­pino at nangangailang ay aayudahan agad.

Sa tanong naman ni Sen. Risa Hontiveros, kung maa­apek­tuhan ng Malasakit Center ang pondo ng PCSO para sa Universal Health Care, sinabi ng dating Special As­sistant to the President na hin­di ito magagalaw dahil may sariling pondo ang PCSO para sa charity pro­gram.“Hindi po kukunin ang pondo ng PCSO para sa Universal Health Care dahil iba ‘yung kontribusyon ng PCSO para sa charity pro­grams tulad ng sa Mala­sakit.”