Sey mo, John Lloyd? Sarah, kering-kering gumawa ng movie kahit walang leading man
For the first time ay walang leading man si Sarah Geronimo sa kanyang bagong movie na Unforgettable at sa halip ay aso ang kanyang kasamang bida, ang Jack Russell Terrier na si Milo.
Pero walang problema kay Sarah kung wala siyang leading man dahil aniya ay liberating daw sa pakiramdam at para maiba naman na hindi nakadepende sa love team kundi sa ganda talaga ng story.
In fact, matagal na palang dream ni Sarah na makagawa ng isang full-length dog movie and finally ay natupad na ngayon.
Conceptualized and co-directed by the multi-awarded and internationally acclaimed director, Jun Lana (Die Beautiful, Bwakaw) and award-winning filmmaker Perci Intalan (Bwakaw, Distance, Dementia), ginagampanan ni Sarah sa Unforgettable ang role na Jasmine, a young woman on a journey to Baguio na ang goal ay dalhin ang asong si Happy sa kanyang lolang may sakit dahil naniniwala siyang magiging instrument ang alaga sa paggaling nito.
“It’s a different role. Very challenging for me,” Sarah said in an interview after winning the Best Actress award from the PMPC Star Awards for her role in Miss Granny.
Ang isa pang dapat abangan sa pelikula ay ang mga amazing tricks na ginawa ni Milo who also starred in Vice Ganda’s box office hit, Fantastica.
In fairness naman sa doggie co-star ni Sarah, sikat na rin ito, huh! Viral ang kanyang mga videos sa internet at nakapag-guest na siya sa iba’t ibang TV shows showcasing his abilities.
Ilan sa mga nakakamanghang tricks ni Milo ay umarteng patay, mag-alis ng medyas ng kanyang master, magmasahe at magdasal bago kumain at marami pang iba.
Kaya naman hindi kataka-takang lagi raw nae-excite si Sarah (who is also a dog lover by nature) na pumunta sa shooting para makita si Milo.
Kasama rin sa movie sina Regine Velasquez, Anne Curtis, Cherie Gil, Tirso Cruz III, Yayo Aguila, Ara Mina, Kim Molina, Meg Imperial and Gina Pareño.
Comments