Pagiging sobrang sweet, hindi rin maganda... Mga dapat iwasan para hindi masakal ang partner at tuma

Para sa karamihan, healthy ang relasyon kapag palagi nilang kasama ang kanilang partner o kapag palagi silang magkausap. Pero alam n’yo ba na ang ilan sa pinaniniwalaan nating “sweet gestures” ay puwedeng maka­sira ng relasyon? Totoo kaya ‘yun? Hmmm…

Mga besh, sabay-sabay nating ala­min kung anu-ano ang mga sweet ges­ture na maaaring maging “red flag” sa relasyon:

1. PAGIGING PROTECTIVE. Wa­lang mali sa pagiging protective, mga lodi. Kapag mahal mo ang isang tao, ma­buting iparamdam sa kanya na pino­protektahan mo siya. Pero, ayon sa mga eksperto, ang magiging protective o pag­harap sa mga problema na dapat harapin ng iyong partner nang mag-isa ay hindi nakabubuti sa lahat ng pagkaka­taon. Tandaan, ikaw ay partner niya at hindi magulang. Okay lang maging protective pero, dapat mo ring alamin kung ikaw ay nananatiling protective o possessive.

2. PAGIGING “THERAPIST”. Lahat tayo ay nakararanas ng stress at nangangailangan ng shoulder to lean on. Ayon kay Diana Venvkunaite, life and relationship coach, walang masama sa pagiging “therapist” ng iyong part­ner pero, sa isang pagkakamali mo, ma­aari itong mapasama. Paano? Hindi la­hat ng tao ay pare-pareho ng opinyon at feelings sa bawat bagay kaya hindi mo maaaring ihalintulad ang emosyon mo sa emosyon niya. Tandaan, puwede ka pa ring maging support system sa pamamagitan ng pakikinig.

3. PEACE OFFERING. Lahat ng couple ay nag-aaway at normal ito sa relasyon at ang pagkakaiba ay kung pa­ano sinosolusyunan ang problema. Sey ng experts, ang paggamit ng mga regalo bilang peace offering ay posibleng mag­resulta sa hindi magandang paraan ng pag-aayos ng problema at unsettled ar­gu­ments na nakasisira ng relasyon. Ang mga regalo ay pansamantalang nakatu­tulong, lalo na kung ito ang love lan­guage ng iyong partner pero, hindi nito kayang pantayan ang sincere na paghi­ngi ng pasensiya at ang ending, paulit-ulit n’yong pag-aawayan ang mga issue na hindi na-settle noon.

4. PAGBISITA NANG WALANG PASABI. Tulad ng mga napapanood natin sa mga pelikula, biglang bumibi­sita ang BF o GF sa bahay o workplace ng isa para kumustahin ang kanyang part­ner o para magdala ng pagkain. Sweet naman talaga ang ganu’ng move pero, hindi sa lahat ng oras ay nagwo-work ito. Para sa iba, ang pagbisita sa bahay o workplace nang walang paalam ay “no-no” dahil kahit maganda ang inten­siyon ng kanilang partner, mararam­daman nilang nawawalan na sila ng privacy.

5. LAHAT AY TUNGKOL SA PART­NER. Sa umpisa ng relasyon, lahat ng oras ay gusto mong makasama ang iyong partner pero, kapag hindi mo na nakakasama ang iyong mga kaibigan at hindi nagagawa ang iyong hobbies, nagsisimula nang magkaroon ng prob­lema. Ang ending, hindi mo lubusang makikilala ang sarili mo at ang mga bagay na gusto mong gawin. Gayundin, ma­giging dependent ka sa iyong partner pag­dating sa paghahanap ng happiness.

Mga bro at sis, walang mali sa pagi­ging protective o kagustuhang makasa­ma ang partner n’yo kung kailan n’yo gusto. Hindi porke nabanggit ay masa­ma na talaga dahil ibig sabihin ay maha­laga na magkaroon ng bounda­ries at alamin ang mga bagay na medyo sumo­sobra na. Kapag naging consci­ous ka sa iyong ugali at kilos, sigura­dong mag­kakaroon ka ng healthy rela­tionship sa iyong partner. Copy?