Iba’t ibang sakit nagkalat, hirit sa Kongreso.. Handshake, ipagbawal
Isang resolusyon sa Kamara ang inihain ni Marikina City Rep. Bayani Fernando upang maiwasan ang iba’t ibang uri ng sakit.
Sa isang news forum, idinetalye ni Fernando na dapat nang iwasan ang handshake o pakikipagkamay na nakaugalian na ng mga Pinoy bilang paraan ng pagbati.
Sa pamamagitan ng pagbabawal sa handshaking o pakikipagkamay ay maiiwasan umano ang pagkalat ng sakit ayon sa resolusyon na inihain ng dating pinuno ng Metropolitan Manila Development Authority.
Aniya, tinanggap ng House Education Committee ang kanyang napapanahong panukala.
Sa halip na pakikipag-kamay, puwede naman umanong ilagay na lamang sa dibdib ang kamay bilang paraan ng pagbati o kaya naman ay bahagyang yumuko.
Idinagdag pa ni Fernando na noong araw pa dapat ipinagbawal ang pakikipag-kamay dahil nagdudulot ito ng pagkalat ng mga sakit dulot ng bacteria o microorganism.
Comments