Hirit na misis, bawal solohin ang ATM ni mister, nakakatawa lang

Pablo L. Hernandez III / Prangkahan

CONG. NOGRALES, HINDI DAPAT MAMBABATAS KUNDI KOMED­YANTE — Nagsulong ng panukala si Rizal Rep. Fidel Nograles na papatawan ng parusa ang misis na ginagawang “un­der the saya” ang kanyang mister at ipag­babawal na rin ang paghawak o pagkon­trol ng misis sa ATM ng kanyang mister.

Dapat pala, hindi pagiging mamba­batas ang pinasok ni Nograles kundi pa­giging ko­medyante kasi nakakatawa ang panuka­lang-batas niya, ha-ha-ha!

◘◘◘

DILAWAN, NASA LIKOD NG ATAKE KAY GEN. ALBAYALDE? — May hi­nala si PNP Chief Gen. Oscar Al­ba­yal­de na bu­kod sa pamomolitika sa PNP kung sino ang magiging next PNP chief, puwedeng may kinalaman din daw ang dilawan sa mga atake sa kanya ni Baguio City Mayor at ex-CIDG Chief Gen. Benjamin Magalong para siraan ang ‘drug war’ ni P-Duterte.

May punto si Gen. Albayalde kasi noong pana­hon ng Aquino gov’t. ay naging bata ni ex-PNP Chief Gen. Alan Purisima si Magalong kaya puro ‘juicy positions’ sa PNP ang napuwes­tuhan nito bukod pa sa tanging dilawan lang ang madalas mam­batikos sa drug war ng pangulo, period!

◘◘◘

SIGURO, HINDI NA MATOTOK­HANG SI BALOYO KASI PAGLAYA NIYA SA 2022, HINDI NA USO ANG ‘TOKHANG’ — Sabi ni Sen. Richard Gor­don, hanggang 2022 daw niya ipa­kukulong sa Bilibid ang ipina-con­tempt niyang da­ting tauhan ni Gen. Alba­yal­de sa Pampanga na si P/Maj. Rodney Baloyo na idinidiin ni Ma­galong sa ilegal na droga.

Kung sakaling sa June 30, 2022 pa palalayain ni Sen. Gordon si Baloyo, malabo na pala itong ma-“tokhang” kasi sa panahong ‘yan ay hindi na uso ang “tokhang” kasi tapos na ang termino ni P-Duterte, boom!

◘◘◘

2 NARCO GENERALS, LAGOT KAY P-DUTERTE — Habang nasa Rus­sia ay ibinulgar ni P-Duterte na may da­lawang generals daw ang sangkot sa kalakaran ng ilegal na droga sa bansa.

Dahil d’yan, tiyak na kakaba-kaba na ang dalawang heneral na ito kasi sa ka­daldalan ni P-Duterte, tiyak na ida­daldal nito sa publiko ang kanilang mga pa­ngalan, lagot!