Isyu ng ninja cops, pinagtatawanan lang ng mga drug lords

Ka Ambo / Bistado

Nagkakainitan na sa isyu ng mga “ninja cops”.

Ang mga drug lords, humahalakhak lang!

◘◘◘

NAG-ORDER ang Pilipinas ng malalakas na armas at kagamitan mula sa Russia.

Malaki ang tama ninyo!

◘◘◘

BIGLANG sumikat si Baguio City Mayor Benjamin Magalong.

Bagyo ang kan­yang “exposé”!

◘◘◘

NABUWAG ang ra­ket na prostitution ng mga Chinese.

Sila na ang bagong “mafia”!

◘◘◘

TAMEME na ang U.S. kontra Iran.

Eksampol ‘yan ng mga “suicidal”!

◘◘◘

LIKAS sa tao na may suicidal tendency.

‘Yan ay kitang-kita sa behavior ng mga lider ng malalaking bansa!

◘◘◘

ANG mga nagbibis­yo at korup ay sintomas ng pagiging suicidal.

Alam ng mga adik na iikli ang buhay nila!

◘◘◘

ALAM din ng mga korup na maaari silang makasuhan o makala­boso at malaking stress ito na magpapaikli ng kanilang buhay.

‘Yan ay kabilang sa sintomas ng mga suicidal — ginagawa mo ang isang bagay kahit alam mong “mali”!

◘◘◘

MAUUNAWAAN ninyo ito kapag nag-research kayo tungkol sa kahulugan ng “acrasia”.

Ito ay tendensiya ng tao na gumawa ng “mali” kaysa gumawa ng “tama”.

Sinaliksik ng mga sinaunang “paham” o genius ang kahulugan ng “acrasia” at upang ma­kontrol ito, inim­ben­to nila ang “reli­hiyon”!

◘◘◘

ANG doktrina ng mga relihiyon ay kara­niwang kumokontra sa “acrasia”.

At dito, naimbento ang “moralidad”.

Ang moralidad ay na­kasandal sa “kondis­yon” ng isip at kamala­yan ng tao o grupo ng mga tao kung saan ipi­nasok ang “dogma” o doktrina upang idekla­ra ang “moral at hindi moral”!

◘◘◘

ANG moralidad ay mauugat sa kustombre o nakamihasnang tra­disyon o sinaunang kaugalian.

Sa bandang dulo, sa panahon ng mo­der­nisasyon, ang “mora­li­dad” ay tinangkang palitan ng “legali­dad” na kustombre sa ating henerasyon!

◘◘◘

MAGKAIBA ang moralidad at legalidad.

Maaaring “moral”, pero ito ay ilegal.

Maaaring legal, pero ito ay imoral!

Eksampol dito ang walang katapusang debate sa “diborsiyo”, “death penalty” at “same-sex marriage”!