Hindi lang dahil maliit ang suweldo... Iba't ibang dahilan ng pagre-resign ng empleyado

Sa hirap ng buhay ngayon, matinding kayod sa trabaho ang kailangan nating gawin para mag­karoon ng makakain, araw-araw. Ngunit, sa ka­bila ng matinding kahi­rapan, napakarami ring mahuhusay at matatali­nong empleyado na mas pinipiling bumitaw sa trabaho kahit naging parte na ito ng kalahati ng kanilang buhay.

Ayon sa senior writer ng website na CIO.com na si Sharon Florentine, sobrang nakaka-toxic ang mawalan ng mahusay na em­pleyadong napa­ka­laki ng naiambag dahil nakaa­apekto ito sa morale ng kumpanya. Gayundin, apektado ang mga natiti­rang empleyado dahil ma­daragdagan ang work­loads nila.

Dagdag pa ni Floren­tine, kailangan ding ala­min ng management ang pinakaugat ng pag-alis ng mga empleyado nang sa gayun ay hindi na ito maulit.

1. Hindi magandang management. Ayon sa marketer ng Week­done na si Kulli Koort, hindi pangunahing dahi­lan sa pag-alis ng emple­yado ang maliit na suwel­do lalo na kung passion nila ang kanilang gina­gawa. Sabi ng vice-presi­dent ng JPMorgan Chase na si Wendy Duarte Duck­rey, “most people don’t quit their jobs; they quit their manage­ment.”

Sinundan ito ng mga dahilang lack of career growth at kakula­ngan sa apprecia­tion, recognition at executive action para iwanan nila ang kum­panya.

2. Des­truc­tive Criticism. Ma­ka­bu­buti sa employee-em­plo­yer relationships ang pag­bi­bigay ng feed­back nang sa gayun ay ma­ram­daman ng mga em­pleyado na han­dang ma­ki­nig sa ka­nila ang pamunu­an ng kum­panya.

Tandaan, mag­­kaiba ang constructive at des­truc­tive criticism. Ang ma­dalas na destructive criti­cism ay nagbibigay ng 100% chance para mang­hina kahit ang pi­naka-strong na emple­yado.

3. Magbigay ng motibasyon sa mga empleyado. Bilang nakatataas sa kum­panya, kailangan din na­ting tanggapin na tao rin ang mga empleyado natin. Mas madalas nating ma-recall ang unplea­sant me­mories kumpara sa mga positibong bagay sa ating buhay.

Kahit sabihing hindi dapat dalhin ang proble­ma sa bahay sa ating tra­baho, hindi ito maiiwasan. Kaya minsan, kailangan din nating i-motivate ang ating mga empleyado.

Sey ng mga expert, ma­laki ang magagawa ng pa­giging open sa bawat em­pleyado. Sa ganitong pa­raan, mas makikilala na­tin nang mas malalim ang bawat isa.

4. Huwag bale­walain ang ugali ng mga empleya­do. Ayon sa author na si Joseph Burgo, hindi mai­iwasan ang pagkakaroon ng mga empleyadong ma­hilig mangmaliit ng kapwa empleyado, gayundin ang mga mahihilig magkalat o gumawa ng kung anu-anong isyu.

Kaya payo ni Michael Kerr, international busi­ness speaker, hindi dapat i-tolerate ang mga toxic na empleyado dahil kung ba­balewalain ang mga tulad nila, kahit ang per­for­mance ng ibang pinaka­ma­gagaling ay sigura­dong maaapektuhan din.

Kung umaalis ang mga empleyado, nangangahu­lugan itong mayroong prob­lema sa kumpanya na kailangang solusyunan.

Ayon kay Rachel Green, director ng The Emotional Intelligence Institute, na­pakaliit ng tsansa na sabi­hin o ipagtapat ng ordi­nar­yong empleyado ang problemang nararanasan nila sa trabaho dahil iniisip nilang walang mangya­yari kahit sabihin nila ito at kung minsan, sila pa ang lalabas na mali.

Aniya, kung hindi u­unawain, pa­kikinggan at aaksiyunan ang proble­mang kinaha­harap ng ba­wat empleya­do, hindi ma­labong piliin nilang mana­himik at uma­lis nang hindi sinasabi ang tunay na dahilan. Sabi nga, nawala na ang asset, nawala pa ang tiwala.

Gets mo?