Sobra sa advance payment sa nirerentahang bahay, dapat ibalik ng may ari sa umuupa
- Dr. Persida V. Rueda-Acosta
- Oct 2, 2019
- 2 min read
Dear Chief Acosta, Umalis na kami sa aming inuupahang bahay. Tumanggi ang may-ari na ibalik ang sobra sa aming advance deposit pagkatapos itong gamiting pambayad sa mga utility bills at pagkumpuni ng mga nasira sa aming tinirahang bahay. Tama ba siya? — Eula
Dear Eula, Para sa inyong kaalaman, ang mga nakasaad sa Section 7 ng Republic Act No. 9653 o “Rent Control Act” ang angkop sa inyong suliranin. Ayon sa nasabing batas:
“Section 7. Rent and Requirement of Bank Deposit. - Rent shall be paid in advance within the first five (5) days of every current month or the beginning of the lease agreement unless the contract of lease provides for a later date of payment. The lessor cannot demand more than one (1) month advance rent. Neither can he/she demand more than two (2) months deposit which shall be kept in a bank under the lessor’s account name during the entire duration of the lease agreement. Any and all interest that shall accrue therein shall be returned to the lessee at the expiration of the lease contract.
In the event however, that the lessee fails to settle rent, electric, telephone, water or such other utility bills or destroys any house components and accessories, the deposits and interests therein shall be forfeited in favor of the latter in the amount commensurate to the pecuniary damage done by the former.” (Binigyang-diin).
Malinaw sa nasabing probisyon ng batas na mayroong hangganan ang aplikasyon ng advance deposit at ito ay limitado lamang sa mga nagastos ng may-ari ng bahay at pagbabayad ng utility bills at pagkukumpuni ng mga nasira. Samakatwid, maaari ninyong hilingin na ibalik sa inyo ang sobra sa inyong advance payment matapos mapatunayan ang partikular na mga halaga ng mga nabanggit na gastusin.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Comments