Hamon sa mga senador: Mga kumampi kay Sen. De Lima, i-banned sa ‘Pinas!
- Ka Ambo
- Sep 30, 2019
- 2 min read
Oktubre na bukas.
Papalit na ang Amihan sa Habagat!
◘◘◘
AMOY Pasko na.
Mano po ninong!
◘◘◘
SA Pilipinas, ang buwan ng Setyembre ay huling buwan ng tag-ulan.
Walang malakas na bagyo na tumama ngayon sa bansa. Ibig sabihin, may masaganang ani ang mga magsasaka.
Kahulugan nito ay over supply ng palay kakambal ng bagsak sa presyo!
◘◘◘
IMINUMUNGKAHI ng ilan na ideklarang persona-non-grata ang mga U.S. senator na kumakampi kay Sen. Leila de Lima.
‘Yan ay kung may “balls” ang Senado!
◘◘◘
INAAMIN ng mga eksperto na ang cannabis o marijuana ay nakakapatay ng cancer cells.
Pwes, mabuhay ang mga drug lord!
◘◘◘
BIHIRA nang gamitin ngayon ang lapis, ballpen at papel sa mga transaksiyon.
Bibihira na rin ang gumagamit ng “cash”!
◘◘◘
MALAKI na ang pagbabago ng panahon.
Pero, ang mga may kontrol ng gobyerno ay napag-iiwanan ng panahon!
◘◘◘
ANG mga batas na ginagawa ng mga kolokoy ay hindi na angkop sa ‘demand’ ng panahon.
Dapat ipaubaya ang pangangasiwa ng gobyerno sa mga millennial at centennial!
◘◘◘
MAGING ang mga pagkain at inumin ay nalilipasan na rin ng panahon.
Nalulugi na ang mga softdrinks company at alcohol maker!
◘◘◘
TULAD sa Europe na nagbalik sa “organic”, ang mga Pinoy ay patungo na rin sa pagbabalik sa kalikasan.
Pero, ang gobyerno ay nananatiling “walang latoy at walang patol”!
◘◘◘
NAGSILBING boxing judge kahapon sa isang world boxing unification bout ang dating Bulgar sportswriter na si Rey Danseco.
Congrats, pare!
◘◘◘
WALA na sa eksena ang dating international referee na si Sonny Padilla.
Pero, umaangat naman sa world boxing scene ang tubong Calauag, Quezon na si Danseco.
Mabuhay ang mga Pinoy!
◘◘◘
HINDI malayong ang susunod na assignment ni Danseco sa WBC ay ang nakatakdang laban ni Manny Pacquiao sa susunod na taon.
‘Yan ang ating ipagdarasal!
◘◘◘
KINILALA ng World Boxing Council si Danseco bilang outstanding judge sa nagdaang mga taon.
Isang beteranong sports editor si Danseco bago nahasa sa pagiging batikang boxing judge sa mga world boxing championship sa iba’t ibang bansa!
Comments