Sports Summit: Clark City, New Premier Training Center

Pagkamit ng ginto hindi lamang sa 30th Southeast Asian Games ang minimithi ng mga atletang Pinoy kundi maging sa 2020 Tokyo Games at iyan ay dapat maisakatuparan.

Bilang pagtiyak dito, suportado ni Senador Lawrence ‘Bong’ Go ang lahat ng programa at isinusulong na batas para mapalakas ang grassroots sports program para sa atletang Pinoy.

Isinulong ni Go ang Senate Bill No. 397 o ang pagtatayo ng National Academy of Sports for High School (NASHS). “It will serve as the premier training center to develop the athletic skills and talents of high school students. Nakakuha na po tayo ng lugar para dito sa Clark City in Capas, Tarlac,”

“Ito po ang pangako natin at hanggang nakaupo si Pangulong Duterte at hanggang ako po ay Senador, makaaasa po ang sambayanan ng tulong para sa sports development,” sambit ni Go Chairman ng Senate Sports Committee Sa isinagawang 1st Philippine Professional Sports Summit kamakailan sa PICC.

“Mahusay po ang ating GAB Chairman. Matagal na po namin siyang kilala at yung passion niya sa sports at hindi mapapantayan. Kami po sa Senate ay handang tumulong para sa anumang programa ng GAB, maging sa pagdagdag ng kailangang pondo,” pahayag ni Go, Chairman ng Senate Sports Committee, sa panayam sa isinagawang 1st Philippine Professional Sports Summit kamakailan sa PICC.

Kasama niyang nakiisa sa Sports Summit si Senador Sonny Angara na kinatigan ang mga pahayag ni Go para masiguro ang tagumpay ng atletang Pinoy at pag-unlad ng professional sports sa bansa. Nakiisa sa natatanging programa sa pro ranks ang PBA at 12 pang sports na umaarya na sa professional level tulad ng Cycling, Muaythai, Billiards, Football, Triathlon at MMA.