14th straight win, itinala ng San Beda; UPHSD, dinemolis

Nanatiling walang talo ang defending champion San Beda University kahapon nang lupigin ang University of Perpetual Help Altas, 75-62 sa NCAA Season 95 Men’s Basketball Tournament sa FilOil Flying V Centre sa San Juan.

Kinailangan ng Red Lions ng isang malaking laro sa 4th quarter upang masupil ang makulit na Altas at itarak ang kanilang ika- 14th consecutive victory ng season. Ginulantang sa unang round ng torneo ng San Beda ang Perpetual sa bisa ng 46 puntos, 102-56. “It’s not a 46-point win, but as long as we win, that’s all that matters for me, and we’ll just learn from this,” ayon kay San Beda coach Boyet Fernandez matapos ang panalo.

Nakadikit sa Red Lions sa 50-46 advantage matapos ang tatlong quarters ang UPHSD, sa bia ng big shots ni Kim Aurin. Pero ang krusyal na depensa sa 4th period ang pinatibay ng San Beda.

“We stuck with our defense which is, I have so much pride with my players playing one-on-one against their players,” ayon kay Fernandez. “Wala na akong choice eh. It’s a close game. So ginawa ko, I changed my diskarte, we adjusted a little bit. We put up a zone. And then that’s it.”