10-anyos nilagnat, namaga ang lalamunan, dedo

Kinukumpirma pa ng Manila Health De­part­­ment kung sa sakit na diphtheria ang ikina­matay ng 10-anyos na batang lalaki sa Sta. Ana, Manila.

Ayon kay Dr. Edgar Santos, dinala ang bata sa Sta. Ana Hospital noong Biyer­nes pero, agad ding namatay.

Ilang araw na umano itong nilalagnat at na­mamaga ang lalamunan na sintomas ng diphtheria.

Sa kabila nang hindi pa ti­yak na sa diphtheria nama­tay ang bata, nanawagan si Santos sa mga magulang na pabakunahan ang kanilang mga anak para hindi kapitan nito.

Sinabi rin nito na naka­kahawa ang diphtheria lalo na pag-umubo at sa mga gamit na nahawakan ng kon­taminado ng sakit.

Samantala, sinabi ni DOH Medical Specialist Anthony Calibo, mayroon na ring naiulat na kaso ng diphtheria sa ilang rehiyon kabilang ang Cordillera Ad­ministrative Region (CAR).

Ito ay isang seryosong bac­terial infection sa lalamu­nan, dila at ilong. Nabatid na ang diphtheria ay isang sakit na maaaring magdulot ng heart failure da­hil napipinsala ng toxins nito ang puso, utak at kidney.