Tibo, tiklo sa P3 milyong shabu

Aabot sa mahigit P3 milyong halaga ng shabu ang nakumpiska ng Drug Enforce­ment Team ng Ca­vite Provincial Intelligence Branch sa isang LGBT at ka­sama nito sa isang mala­wakang drug-bust kahapon ng madaling-araw sa loob ng isang subdivision sa Imus, Cavite.

Kinilala ni Cavite Pro­vincial Director Sr. Supt. Wil­liam Segun ang mga suspek na sina Nariman Unte alyas Tomboy, 30, re­sidente ng Bgy. Anabu 2F, Imus City, target ng opera­tion at ang kasama nitong si Al Hamid Lambitan, 25, residente ng Bgy. Sta. Lucia, Dasmariñas City.

Isang malawakang Anti-Illegal Drug Bust Operation ang ikinasa ng Drug Enforce­ment Team ng Cavite Pro­vincial Intelligence Branch, PDEA Cavite at Imus Police, alas-12:30 ng hatinggabi sa Golden City Subdivision kung saan nakatira ang tar­get.

Isang police officer ang umaktong scorer at nakipag-deal sa suspek at nang mag­positibo ang abutan, dito na ito pinaligiran ng pulisya at nakuha sa mga ito ang may apat na bulto ng plastic na naglalaman ng shabu na may timbang na mahigit sa 400 gramo at tinatayang a­abot sa humigit-ku­mulang sa 3 mil­yong piso.

Nakuhanan din ang mga ito ng drug parapher­nalias kabilang ang hi-tech na tim­bangan.