P6 million cocaine, nalambat sa dagat

Nalambat ng mga mangingisda ang isang kilo ng high grade cocaine habang ito ay palutang-lutang sa ka­­ra­gatang sakop ng Basilan.

Tinatayang nasa P6 mil­yon ang natagpuang kontra­bando na nakabalot sa cello­phane.

Sinabi ni Basilan Police Chief Col. Rufino Inot, na­kita ang ilegal na droga ha­bang palutang- lutang sa da­gat sa pagitan ng Bgy. Langil at Linungan sa Mohamad Ajul.

Agad itong ipinarating ng mga mangingisda sa pu­lisya. Inaalam pa ang pinang­galingan ng cocaine at ang mga taong nagtapon nito sa dagat.

Napag-alaman na nag-alok na ang lokal na pama­halaang lungsod ng P10,000 sa bawat cocaine na mai-turnover sa pulisya.

Nai-turnover na rin ng Mohamad Ajul Municipal Police ang narekober na co­caine sa pangangalaga ng Philippine Drug Enforce­ment Agency-Region 9.