Ibinulgar, 2020 budget may pork barrel.. P1.5 Bilyon kada deputy Speakers

Hinamon ni Capiz Rep. Fredenil Castro si Se­nator Panfilo Lacson na ilantad kung si­numan ang source nito sa impormasyon na may pork barrel na tig-P1.5 bilyon ang 22 Deputy Speakers at P700 milyon naman sa kada iba pang mamba­batas sa 2020 budget.

Giit ni Castro, tukuyin at iharap sa Kamara kung sinu­man ang kongresistang sina­sabi ni Lacson na pinag­mulan ng nasabing misinfor­mation.

Pinagpiprisinta rin ni Castro kung sinuman ang source ni Lacson ng ebiden­siya na verified at authenti­cated.

Binigyang-diin ni Castro na bukod sa parliamentary courtesy ay constitutional duty ni Lacson ang alamin kung tama ang impormasyon bago ito ilabas sa media.

Ayon pa sa mambabatas, nasisira ang reputasyon ng Kamara dahil lamang sa mga nakararating sa senador na mga sabi-sabi lamang ng kan­­yang sources.

Aniya, nakahanda sila sa Mababang Kapulungan na i-scrutinize ng Senado ang kanilang budget at hindi sila naaapektuhan sa mga aku­sasyon dahil bago ipasa ang P4.1 trillion budget ay tini­yak na wala umano itong pork, par­king at lumpsum funds.