Davao, nasa top spot na; Bacolod, nagwagi sa MPBL

Hindi man muli naitala ni Mark Yee ang karaniwang double-double, pero hindi napigilan ang Davao Occidental Tigers na tilarin ang Basilan Steel, 76-71 noong Sabado sa unang laro sa Maharlika Pilipinas Basketball League sa Bacolod City sa University of St. La Salle Gym.

Nang paganahin ang opensiba, nagtala si Yee ng game-high 22 puntos at 5 rebounds para sa Cocolife-Tigers na may naitarak na ika-13 panalo kontra 2 talo at nanatiling nasa ituktok na posisyon sa South Division ng 31-team league.

Si Yee na may ipinagmalalaking MPBL best 29 double-double performances ay natulungan din ni Emman Calo na may 13 puntos, habang may 10 si Chester Saldua at si Yvan Ludovice ay may 18 puntos, 8 assists at 2 steals.

May itinalang 14 puntos ang Jumbo Plastics-Steel, 43-57 na dumanas ng 6 na talo sa 15 laro.

Umiskor si Jerald Bautista ng 18, 14 si Jay Collads habangsi Cris Dumapig ay may 11 dagdag ang 10 rebounds para sa Steel.

Naasahan ng Bacolod Master Sardines si local icon Paolo Javelona at Cebuano star Mark Tallo upang lupigin ang Soccsksargen Marlins, 89-80 sa sumunod na laro at umibayo sa 6-8 panalo-talo na record.

Bumasket si Javelona ng game-high 27 kabilang na ang 14 sa second habang si Tallo ay may 22 puntos kabilang na ang 16 sa 3rd quarter kung saan lamang ang Bacolod, 74-64.

Ang Marlins na na may ika-14 na diretsong talo ay may 23 puntos mula kay Norman Gonzales at 18 kay Exeqiel Biteng. (MC)