Drug den ni-raid.. Radio DJ, huli sa shabu

Arestado ang isang dating radio disc jockey, gayundin ang tatlong iba pa matapos salakayin ng pulisya ang hinihinalang drug den sa Quezon City, Biyer­nes ng gabi.

Kinilala ng Philippine Drug Enforce­ment Agency (PDEA) ang dating DJ na si Marieto Laureno alyas Papa Tolits.

Kasama ring dinampot ng mga awtoridad sina Arbie Chua, ang may-ari ng bahay na ni-raid; Louwy Manabat, umano’y drug supplier at Winnie Hunter.

Nakatakas naman ang isang Leo Degario, na isa rin umanong supplier ng ilegal na droga.

Ayon kay PDEA-National Capital Region Director Joel Plaza, inilunsad ng mga operatiba ang raid sa Bahay Toro, Project 8 ng nasabing lungsod.

Nasamsam sa lugar ang mga drug para­pher­nalia at 25 gramo ng pinanini­walaang shabu na may halagang P170,000.