Ceniza, nag-5th overall sa world weightlifting

Kinapos ng tatlong kilo ang bigat na nabuhat ni John Fabian Ceniza para ma­kasampa sa podium ng men’s 55-kgs. pero makiki­tang ma­ganda ang porma ng Pinoy kung pagbabasehan ang bak­bakang pang Southeast Asia dahil isang kilo lang ang angat sa kanya ng karibal mula sa Vietnam na si Tran Ang Tuan Nguyen sa ginaganap na 2019 International Weight­lif­ting Federation (IWF) World Championship na sisimulan sa Pattaya, Thai­land.

Sa total output, ang 21-anyos na Pinoy ay pumang­lima sa overall dahil sa naisu­miteng 262 kilos. Ito ay ma­baba nang bahagya sa 263 kilos ng Vietnamese na pu­mang-apat lang sa overall at hindi rin nakapodium.

Sa snatch na bahagi ng kompe­tis­yon, lamang din ng tatlong kilo si Nguyen kontra kay Ce­niza (120 vs. 117). Pero na­kabawi ang Pinoy sa “clean and jerk” dahil bu­muhat ito ng 145 kilos kum­para sa 143 kilos ng pam­bato ng 21-ta­ong-gulang din na pambato ng Vietnam.

Sa labanang 45-kilos sa kababaihan, pampito lang sa final tally si Mary Flor Diaz dahil sa naipakitang 156 kilo­grams (70kgs sa snatch at 86kgs sa clean and jerk).

Ang hindi magandang balita ay tatlong taga-South­east Asia (isang Indonesian ay dala­ang Vietnamese) ang nauna sa Pinay sa pagtatapos ng sagu­paan sa grupo nila.

Kasalukuyan pang suma­­sabak sa 67kgs si Nestor Co­lonia. Panglima siya sa snatch (125 kgs) pero unang south­east Asian entry sa bracket. Sa clean and jerk, ka­salu­ku­yan siyang nasa pangat­long baytang.