Buntis na tulak, kulong

Arestado ang pitong buwang buntis makaraang mahulihan ng tinatayang P30,000 halaga ng ilegal na droga sa buy-bust operation sa Quezon City, kamakalawa ng gabi.

Kinilala ang suspek na si Mira Bastiner na kabilang umano sa drug watchlist ng PNP Directorate for Intelligence (DI).

Inilunsad ang operasyon malapit sa bahay ni Bastiner sa West Riverside St., Bgy. Damayang Lagi, alas-9:30 ng gabi.

“‘Yan talaga trabaho niya, magbenta ng drugs. Nasa DI watchlist, indeed she is into drugs,” ayon kay Lt. Col. Rodrigo Soriano.

Maliban sa hinihinalang shabu, nasamsam din mula sa suspek ang marked money na P500.

Nahaharap ang suspek sa kasong paglabag sa Comprehensive Dangerous Drugs Act of 2002.