Bintana ng LRT binasag ng pasahero, 2 nadale

Lumikha ng tensiyon sa loob ng isang bagon ng Light Rail Transit Line 1 kung saan dalawang pasa­hero ang nasu­gatan matapos matalsikan ng mga bu­bog nang basagin ng kapwa nila pasahero ang bintana habang nasa United Na­tions (UN) Station sa Maynila.

Ayon kay Sweeden Ra­mirez, ng LRT-1, itinurnover na nila sa Manila Police Dis­trict ang hindi pa pinanga­la­nang pasahero upang mai­sailalim sa imbestigasyon. May dalawang pasahero na nagtamo ng minor inju­ries na nalapatan agad ng lunas ng mga tauhan ng Philippine Red Cross.

Nauna rito, ala-1:50 ng hapon, nabatid na uminit umano ang bagon at nais ng pasahero na buksan ang pin­tuan ng tren habang umaan­dar ito at nang hindi nito ma­buksan ay pinag­balingan ang bintana at sapilitang bi­nuk­san na nagresulta sa pag­ka­basag at tinamaan ang da­lawang pasahero.