Bacoor, Bulacan at Caloocan matibay ang laro sa Lakan Cup

Nanaig ang lakas ng Bacoor Strikers at Bulacan Kuyas kontra sa kani-kanilang karibal habang ang Caloocan Supremos ay nana­lasa sa Maharlika Pilipinas Basketball League Lakan Season sa Bulacan Capitol Gymnasium sa Malolos.

Ginapi ng Strikers ang Quezon City Capitals, 111-79, habang namayani ang Kuyas laban sa Muntinlupa Cagers, 77-62 noong Lunes, Set. 16. Nakaligtas ang Supremos sa dulo ng pagma­malupit ng Nueva Ecija Forest Lake, 92-90 sa opener ng tripleheader games. Dikit na shooting spree ang ginawa ng Strikers upang lumamang sa halos 35 puntos hanggang tapusin sa 109-74 sa 4th quarter.

Nakagawa ng 21 pun­tos si Mark Montuano, 16 si Chris Sumalinog, tig-13 sina Gab Banal at Michael Canete, may 11 si Paolo Castro, pumalaot ang Strikers para sa ika-4 na diretsong panalo sa itinarak na 12-3 record at malagay sa 2nd spot ng South Division ng 31-team sa MPBL.

Sumadsad ang Capital sa 6-8 sa North division. Pu­mos­te ang Kuyas ng kalama­ngan na 60-37 sa rebounds, nangunguna sa unang quarter, 24-12 at hindi na lumi­ngon tungo sa ika-4 na diretsong panalo at 9th overall sa 14 na laro.

Namayani ang Victory Liner Supremos, 92-85 habang si John Carlos Esca­lambre ng Caloocan ay naka-2 free throws sa nalalabing 6 segundo para isulong sa overtime ang laro. (MC)