Para sure na papasok sa isip nila, momshies... Tips para matulungang makapag-review ang mga chikitin

Napakahirap maging mommy lalo na kung ikaw ay working mom dahil bukod sa tra­baho, may mga gawaing-bahay pa na dapat tapusin. Gayundin, minsan ay hin­di na napaglalaanan ng oras ang pagtulong kay bagets sa kanyang pag-aaral. Pero, no more wor­ries da­hil we got you, mom­mies! Narito ang ilang tips para tulungang mag-review ang inyong anak:

1. GUMAWA NG TIME TABLE. Kung ikaw ay wor­king mom, napakala­king hamon ng pag-aalaga sa iyong anak. Kung medyo nahihirapan ka sa time ma­nagement, inirerekomen­da ang pagkakaroon ng study time table. Makatutulong ito para alamin kung anu-ano ang mga espesipikong araw na ilalaan para matulungan mong mag-review si bagets bago ang exam. Gayundin, make sure na pareho kayong nakapagpahinga bago mag-review para ma-absorb ni bagets ang kanyang inaral.

2. ALAMIN ANG LEARNING STYLE. Da­hil lahat tayo ay iba-iba, ang paraan para matuto ay ga­nundin, tukuyin ang pinaka­mabisang paraan para ma­tuto si bagets. Sey ng experts, kabilang sa ‘learning style’ ang visual, auditory at rea­ding learning.

Kung visual learner si ba­gets, madali siyang matututo gamit ang diagrams o mga gabay na nakikita habang nag-aaral, kung auditory naman, tumatatak sa isipan ang iba’t ibang konsepto kung maipa­liliwanag nang masinsinan ang mga ito habang kinaka­usap. Para matuto ang reading learner, kailangan niya ng ta­himik na lugar para magbasa.

3. MAGLAAN NG MAAYOS NA STUDY AREA. Dahil maiksi ang attention span ng mga bagets, dapat magkaroon sila ng study area na walang anu­mang distractions tulad ng laruan, gadgets at TV. Mas mabilis si­lang makapagpo-focus sa pag-aaral kung may­roon si­lang sariling area na malayo sa distrac­tions. Okie?

4. ONE SUB­JECT PER DAY. Madalas, sabay-sabay ang exam sa isang araw. Para hindi mahi­rapan sa pag-aaral, tukuyin kung alin sa mga subject ang pi­na­kamahirap at unahing ara­lin ang mga ito at ihuli ang ma­dadali.

Epek­ti­­­bong paraan ng pag-aaral ang pag­popokus sa bawat sub­ject kada araw. Tan­daan, hirap ang mga bata na isiksik lahat ng im­po­masyon nang sabay-sabay kaya mabu­ting iwasan natin ang in­formation over­load dahil sa halip na puma­sok sa isip ang inaral, baka ma­wala pa.

5. MATUTO KA­SA­BAY ANG ANAK. Bago simulan ang pag­tuturo kay bagets, da­pat sigu­rado ka sa mga ituturo mo sa kanya. ‘Ika nga, ang pagkatuto ay hindi natatapos kaya maging willing matuto kasa­bay ang iyong anak at ipakita na nag-e-enjoy ka habang ginagawa ito. Sa ganitong paraan, ma­hihi­kayat siyang mag-re­view dahil ikaw ang kasama niya.

6. HUWAG I-PRES­SURE. ‘Ika nga, hindi life and death mo­ment ang exam kaya mommies, huwag i-pressure si bagets dahil ka­hit hindi siya maka-perfect score, i-assure siya na ma­rami pang next time para bu­mawi.

Gayun­din, i-encour­age siya na ibi­gay ang best sa lahat ng kanyang gagawin.

Napaka-demanding ng pagiging ina pero, hindi ito hadlang para tulungang ma­tuto ang iyong mga anak, par­tikular sa pag-aaral.

Moms­hies, make sure na ibabahagi ninyo ang ilang tips na ito sa iba pang mom­mies na ka­ki­lala ninyo para sabay-sabay na matuto ang iyong mga chikiting.

Copy?