Ex-P-Noy, kabahan na dahil dawit din sa GCTA

Pablo L. Hernandez III / Prangkahan

GCTA SCAM SENATE PROBE, PA­PUN­TA NA KAY EX-P-NOY?—Sinabi ni Senate Pres. Vicente “Tito” Sotto III na kahit tapos na raw ang committee report ni Sen. Richard Gordon sa Good Conduct Time Allowance (GCTA) scam ay ipagpapatuloy pa rin ng Senado ang imbestigasyon tungkol sa mga sangkot sa katiwalian sa Bureau of Corrections (BuCor).

Dahil hindi pa pala tatapusin ng Senado ang isyung ito, malamang, kakaba-kaba na si ex-P-Noy dahil tila sa kanya patungo ang Senate probe, kasi siya ang lumagda para maging ganap na batas ang GCTA, boom!

◘◘◘

SUKDULAN ANG GALIT NI SEN. “BONG” GO SA MGA PA-VIP AT BIGTIME NA PRE­SO KAYA GUSTO NIYANG TURUKAN NG LASON ANG MGA ITO—Sukdulan ang galit ni Sen. Christopher “Bong” Go sa mga pa-VIP at bigtime na preso na gumagamit ng pera para makalabas ng kulungan at nagpa­paospital kahit wala namang sakit.

Sabi ni Sen. Go, hin­di raw dapat ginagamot ang mga nagpa-confine na drug lords at ang dapat gawin ay saksakan ng lason ang dextrose nila, nakupooo!

◘◘◘

SA WAKAS, NAGI­SING NA RIN SA KA­TOTOHANAN SI CARDEMA NA “TU­YOT” NA SIYA AT HINDI NA YOUTH—Naghain sa Comelec si ex-National Youth Com­­mission (NYC) Chairman Ronald Cardema ng kanyang notice of withdrawal bilang 1st nominee ng Duterte Youth Partylist.

Malamang, nagising na sa katotohanan si Cardema na “tuyot” na siya at hindi na youth kaya itinigil na niya ang kanyang pangarap na matawag na ‘youth congressman’, ha-ha-ha!

◘◘◘

RETIRED GENERALS, PROTEK­TOR NG JUETENG NI “AREZA” SA CA­VITE —Ilang retired generals daw ang nasa likod ng raket na jue­teng ni “Areza” sa Cavite.

Kaya pala “untouchable” sa jurisdiction nina Gov. Jonvic Remulla at PD Col. William Segun ang raket ni “Areza” dahil may ipinagma­malaki itong mga protektor na mga retired general, buwisit!