3 Chinese na lider ng prostitusyon, nanunuhol ng P2 milyon, sopla!

Ka Ambo / Bistado

Narekober ng NCRPO-PDEA operatives ang may P27 million halaga ng shabu sa P. Tuazon Avenue, Que­zon City kamakalawa.

Naaresto rin ang mga armadong suspek.

Klap-klap-klap!

◘◘◘

NASAKOTE ang suspek na si Edgardo Labay Alfonso ng Bgy. Tramo, Pasig City at nakumpiska ang may apat na kilogramo ng droga at paltik.

Nilinaw ni NCRPO Chief P/Maj. Gen. Guillermo Eleazar na bagaman, wala nang droga sa loob ng Bili­bid, pero ang epektos na tinatransaksiyon ng mga bilanggo ay nasa iba’t ibang lugar!

◘◘◘

KINUMPIRMA ni Gen. Eleazar na high value target ang suspek dahil apat na kilogramo ang nakumpiska sa kanya.

“We can say that, siya ‘yung courier and player. Ang 4 kilograms, in our daily operation, wala tayong nahuhuling ganyan kaya na-consider natin na high value target ‘yan,” wika ni Gen. Eleazar!

◘◘◘

PINAMUNUAN ang pagsalakay nina PSSg. Lifford Liwan at PSSg. Reynaldo del Mundo, Jr. katuwang ang 14 iba pang operati­ba ng RDEU-NCRPO, Camp Bagong Diwa, Bicutan, Taguig City.

Kahit nanganganib ang buhay ng mga pulis, sinisikap nilang pa­ngu­na­han ang giye­ra kon­tra droga ni P-Digong!

◘◘◘

SINAMPAHAN naman ng kasong panunuhol ang tatlong suspek na lider ng Chinese Prostitution Syndicate sa Taguig Prose­cutors Office.

Tinangka ng tatlong suspek na suhulan ng P2 milyon si NCRPO Special Operation Chief PLtCol. Rogart Campo!

◘◘◘

KINILALA ni Gen. Eleazar ang tatlong suspek na sina Atty. Jo­se­lito Vasquez, Mali­john Palma at Huang Xiangfei, Chinese na tubong Hunan, China.

Inaresto ang mga suspek noong Setyem­bre 6 dahil sa kasong hu­man trafficking, pe­ro naaktuhan silang nag-aabot ng P2 mil­yon kay PLtCol. Campo sa loob mismo ng Camp Bagong Diwa sa Taguig dakong alas-2:00 ng madaling-araw!

◘◘◘

ANG mga eksenang ito ay nagpapatunay na nabago na ang imahe ng pulisya mula nang ma­u­po si P-Digong, partikular sa Kamaynilaan, naibalik na nila ang “Metro Ma­nila’s Finest” ngayong panahon ni Gen. Eleazar.

“Our Regional Direc­tor Gen. Guillermo Elea­zar has always deman­ded of us to respect our uniform. For my part, no amount of money from criminals can make be betray the leadership of our regional director,” wika ni PLtCol. Campo!