Mexican Navarrete, binigo si Pinoy Elorde sa WBO fight

Muling napanatili ni junior featherweight world champion Emma­nuel Na­var­rete ang kan­yang World Boxing Orga­nization (WBO) title sa ikalawang pagkaka­taon sa loob lamang ng isang bu­wan nang pigi­lan niya si Filipino challenger Juan Mi­guel Elorde sa 4th round kahapon ng gabi (linggo ng umaga sa bansa) sa T-Mo­ile Arena sa Las Vegas, Ne­vada.

Matagumpay na naipag­tanggol ni Navarrete (29-1, 25KOs) ang kanyang titulo sa pagdiriwang ng Araw ng Kalayaan ng mga Mehikano para sa ikatlong pagdepen­sa sa kanyang titulo sapul noong Mayo sa main under­card match sa Tyson Fury-Otto Wallin heavyweight title fight.

“I’m happy because I think I put on a great per­formance,” wika ni Navar­rete mula sa isang transla­tor.

“Fortunately, my oppo­nent is OK, and I came out here to put on a show. I hope the fans enjoyed it on my very first Las Vegas show on Mexican Independence Day Weekend. ‘Vaquero’ Navar­rete is here to stay.”

Nagawang magpasi­mula ng agresibong atake ng apo ni International Hall of Famer at Filipino Legend Gabriel “Flash” Elorde sa pagsisimula ng unang round nang kumunekta ito ng mag­kasunod na kaliweteng sun­tok kay Navarrete para pa­simulan ang laban na tila ki­nakapa pa ang estilo at galaw ng Filipino challenger.

Sa sumunod na round ay nagpakawala na ang 24-anyos na Mehikano ng kom­binasyon para kumunekta sa kaliwang katawan kasunod ng kanang uppercut sa pa­nga na tila naramdaman ng 32-anyos na si Elorde dahi­lan upang masaktan ito.

Lalong pinagtibay ng 122-pound champ ang kan­yang atake sa 3rd round ng bumakbak ito ng magkaka­sunod na power punches sa katawan at ulo ni Elorde (28-2, 15KOs) kasunod ang malulupit na kaliwa’t ka­nang kumbinasyon upang tawagan ito ng knockdown bago magtapos ang natu­rang round.