Loob at labas ng Bilibid, kontrolado ng mga drug lord, saklap!

Ms. Korina Sanchez / Isyung 'K'

Kamakailan, may kasama kami sa sa­sakyan na nagtanong kung bakit walang mga traffic enforcer sa dis-oras ng gabi, gayung may ma­ngilan-ngilan pa rin na­mang sasakyan sa kal­sada.

Ang Metropolitan Ma­nila Development Au­thority (MMDA) at Philip­pine National Police–Highway Patrol Group (PNP-HPG) ba ay may oras lang para ayusin ang trapiko sa Metro Manila?

Dahil wala kaming ma­ki­tang kahit isang awtori­dad na nagmamando ng tra­piko maging sa mga ma­lalaking intersection, wala tuloy kaming maisa­got sa kasama namin. Tila ito ang oras ng mga mo­torista sa kalsada na “ba­hala na kayong lahat.”

Wala rin daw mga traffic enforcer na naka­tayo sa kalagitnaan ng kalsada sa Amerika kung saan galing ang kasama namin dahil sumusunod sila sa mga karaniwang batas-trapiko.

May dumarating daw na awtoridad kapag may aksidente at hindi umaalis ang mga ito hangga’t hindi nawawala ang saga­bal sa trapiko.

Baka malayo pa tayo sa ganyang sistema dahil sa atin, kapag may ban­tay lang, may disiplina at “mababait” ang mga mo­torista, pero kapag wala, naglalabasan na ang mga sungay ng mga pasa­way.

◘◘◘

Tila naging misteryo ang pagtapon ng mga patay na baboy sa Que­zon City. Labing-isang baboy ang natagpuan sa Bagong Silangan, Que­zon City.

Sa Marikina naman, mahigit 40 patay na ba­boy na ang nakuha sa Ma­rikina River. Positibo sa African Swine Fever (ASF) ang mga baboy sa Quezon City.

Ang ASF ay walang bakuna at gamot kaya pe­ligroso ito para sa mga baboy. Sa ngayon, wala pa tayong balita kung sino o saan galing ang mga baboy na itinapon na lang basta sa mga ilog, pero nangako ang mga lokal na opisyal na mananagot ang mga ito.

At dahil wala naman umanong babuyan sa Metro Manila, sa karatig na lugar sisimulan ang imbestigasyon.

Ayon sa mga kinau­ukulan, makabubuti kung ibabaon sa lupa ang mga patay na baboy para hindi kumalat ang sakit, pero dahil hindi sapat ang ka­alaman ng lahat, dapat hu­mingi ng tulong sa kanila at sila na ang gagawa nito.

Bagama’t, walang da­pat ipangamba ang mama­mayan dahil hindi raw nai­hahawa sa tao ang ASF, siguradong malaki ang magiging epekto nito sa hog industry kung hindi ito agad matutugunan.

Tila naglalabasan na ang mga sakit — dengue, measles at polio sa mga tao at ngayon, may ASF na rin sa mga baboy.