Inagawan ng motor, pulis pala.. Karnaper binaril, todas

Patay ang isang karna­per habang nadakip ang ka­sama nito nang agawan ng motorsiklo ang isang pulis sa Las Piñas City.

Nangyari ang insidente ala-1:30 ng hapon sa Tion­quiao St., Bgy. Manuyo Dos ng nasabing lungsod ha­bang ang biktimang si Corporal Eric Jones Ambat ng Las Piñas City Police ay sakay ng kanyang motorsiklo.

Habang binabagtas ni Cpl. Ambat ang kahabaan ng Tionquiao St., nang biglang sumupot ang dalawang sus­pek na armado ng baril.Sinasabing inagaw ng dalawang suspek ang motor ni Cpl. Ambat na Mc motor­cycle na lingid sa kaalaman ng dalawa na pulis ito.

Nang makuha ang mo­tor, dito na binaril ng pulis ang dalawang suspek na na­uwi sa barilan hanggang sa tamaan ang suspek sa iba’t ibang parte ng katawan.

Masuwerte naman hindi tinamaan si Cpl. Ambat. Sa ngayon, inaalam pa ang pagkakakilanlan ng nasa­wing suspek habang ang isa ay nasa detention cell ng pulisya.