Car brand coding scheme, ipalit sa number coding bilang solusyon sa trapik
DAMAY-DAMAY NA SA GCTA SCAM — Matapos isangkot ni Sen. Richard Gordon si detained Sen. Leila de Lima sa anomalya sa Good Conduct Time Allowance (GCTA) Law kung saan nakalaya ang libu-libong convicted murderers, rapists, drug lords at iba pang kriminal na nakagawa ng heinous crimes, inihayag naman ni Bayan Muna Partylist Rep. Ferdinand Gaite na dapat daw managot din si P-Duterte dahil tao nito si ex-BuCor Chief Nicanor Faeldon na may pinakamaraming presong pinalaya sa ilalim ng nasabing batas.
‘Yan ang bad sa ginawang kabulastugan ni Faeldon sa BuCor kasi hindi lang oposisyon ang nadadamay sa GCTA scam kundi pati ang pangulo, boom!
◘◘◘
FAELDON, TAO NI P-DUTERTE; PURISIMA, TAO NI EX-P-NOY — Kung para kay Rep. Gaite ay may pananagutan sa GCTA scam si P-Duterte dahil tao nito si Faeldon, aba, dapat papanagutin din si ex-P-Noy sa Mamasapano massacre.
Tao rin kasi ni ex-P-Noy si ex-PNP Chief Gen. Alan Purisima na kahit suspendido noon ay nakialam pa rin sa operasyon laban sa mga terorista na nagresulta kaya namasaker ng MILF ang SAF 44, period!
◘◘◘
SUBUKAN ANG ‘CAR BRAND CODING SCHEME’ — Para maibsan daw ang problema ng trapiko sa Metro Manila, iminungkahi ni ex-PAGCOR Consultant Ariston Gorospe na imbes “number color coding scheme”, ang ipairal daw ay “car-brand coding scheme” at gawing coding tuwing Lunes ang Toyota; Martes ang Mitsubishi, Hyundai at Isuzu; Miyerkules ang Nissan, Ford at Foton; Huwebes ang Honda, Chevrolet, Mazda at Subaru; Biyernes ang Suzuki, Kia, Volkswagen at Mercedes Benz; Sabado ang JAC, Tata, Audi at BAIC at Linggo ang Mini and Lotus, Volvo, Ssangyong at iba pa.
Tila mas mainam na ang ipairal ay car brand coding scheme kasi sablay ang “number coding scheme”, boom!
◘◘◘
RAKET NG MGA ILEGALISTA, NAGSULPUTAN SA JURISDICTION NI EPD DIRECTOR BRIG. GEN. ALMAZAN — Sa panahon ng mga dating police district director ng Eastern Police District (EPD), walang ilegalistang nakapag-operate sa Marikina City, Pasig City, San Juan City at Mandaluyong City, pero nang maging director ng EPD si Brig. Gen. Johnson Almazan, parang kabuteng nagsulputan ang raket na lotteng at bookies nina “Dodo”, “Ben”, “Jerry”, “Egay” at “Kit” sa mga lugar na ito.
Kailan kaya magpapakitang-gilas si Gen. Almazan para “ipatokhang” ang mga ilegalistang ito? Abangan!
Comments