Tulad din ng ibang pulitiko — P-Digong.. Mamamatay ako ‘pag walang babae

Inamin ni Pangulong Rodrigo Duterte na mamamatay siya kapag walang babae sa kanyang buhay.

Nilinaw pa ni Pangulong Duterte na hindi siya isang ‘misogynist’ o taong galit sa mga kababaihan sa halip, siya ay “lover of women”.

“I am just a lover of a woman. Mamatay ako ‘pag walang babae, sa totoo lang. At lahat dito ‘yung mga mayor ninyo, sobra kalahati niyan may mga babae rin ‘yan na iba,” sabi ng pangulo sa kanyang talumpati sa inauguration ng Bataan Government Center and Business Hub sa Balanga City.

Kasabay nito, nagbiro ang pangulo kung nagsusuot ng bikini sa resort ang mga kababaihan sa Bataan.

Agad niya umano itong ipapasyal sa mga resort sa Bataan kung sakaling may mga naka-bikini.

“Dito sa inyo may resort? May naliligo? Nagbikini-bikini rin sila? Kasi magpasyal ako kung... not really because I am a misogynist,” wika pa ni P-Duterte

Kabilang sa tumawa sa audience ay si Bb. Pilipinas International 2019 Bea Patricia Magtanong, isang native ng Bataan.

Matatandaang, ilang beses nang binabatikos ang pangulo dahil sa mga biro nito sa mga kababaihan.