Lumaya dahil sa GCTA.. Mga sumukong preso, hindi ibinabalik sa selda

Tumaas na sa kabuuang 323 inmates ang boluntaryong sumuko sa mga police station sa Metro Manila kabilang na sa mga lalawigan kung saan ilan sa mga ito ay nasa pangangalaga na ng Bureau of Corrections (BuCor).

Ang mga ito ay una nang nakinabang at napalaya sa pamamagitan ng Good Conduct Time Allowance (GCTA). Ayon kay Spokesman Sonny del Rosario, inaasahang madaragdagan pa ang naturang bilang.

Binigyang-linaw naman ni Del Rosario na hindi na ibinabalik sa selda o sa pinanggalingang compound ang mga sumuko, bagkus ay may holding area sa New Bilibid Prison (NPB) at doon sila maghihintay habang gumugulong ang imbestigasyon sa GCTA at kinukuwentang muli ang kanilang sentensiya.