LGBT, magdiwang kayo! Paolo, Eric at Epi, binigyan ng award sa pagiging bakla

Erlinda Rapadas / Teka Nga

Still on FDCP’s Sine Sandaan event, bukod sa malalaking artista ay binigyan din ng pagkilala ang mga unsung heroes sa likod ng kamera tulad ng mga direktor, composers, production designers, movie producers, scriptwriters, atbp..

Kinilala rin ang top leading ladies/leading men ng mga pelikula. Sina Alden Richards, Dingdong Dantes, Dennis Trillo, Derek Ramsay, Gabby Concepcion, Piolo Pascual, Jericho Rosales, Richard Gutier­rez, Ian Veneracion, Edu Manzano, ER Ejer­cito at Lloyd Samartino ang ilan sa mga kinilalang leading men ng pelikulang Pinoy.

Samantala, sa mga leading ladies ay kasama sina Sarah Geronimo, Jennylyn Mercado, Anne Curtis, Ange­lica Panga­niban, Jodi Sta. Maria, Kim Chiu, Toni Gon­zaga at Shaina Mag­dayao.

Binigyan din ng special recognition sina Paolo Bal­lesteros (for Die Beautiful) at sina Eric at Epi Quizon sa kanilang gay role sa Mar­kova movie.

Nanguna naman sa mga pinarangalang showbiz love­teams sina Kathryn Bernar­do at Daniel Padilla.

May kilig pa rin ang Jolina Magdangal-Marvin Agustin love team dahil pinalakpakan ang kanilang musical number.

Well, mahaba ang oras ng Sine Sandaan awards program na idinirek ni Ice Seguer­ra pero nag-enjoy naman sa panonood ang lahat.