Payment center hinoldap, katiwala binaril

Tinangay ng mga hindi pa nakikilalang holdaper ang koleksiyon ng isang payment center bago binaril ang tagapamahala nito sa Sitio Pawpawan, Bgy. San Salvador, Baras, Rizal.

Alas-6:30 ng hapon nang isasarado na ng biktimang si Cyrel Panadero, 34, ang establisimyento nang may humintong motorsiklo sa kanyang harapan.

Agad siyang tinutukan sabay kuha ng bag kung saan nakalagay ang pera at iba’t ibang IDs nito. Bago tumakas ang mga suspek, binaril pa ang biktima sa kanyang tiyan.

Dinala ang biktima sa pagamutan habang patuloy ang imbestigasyon ng pulisya sa insidente.