Kelot, pinalakol sa ulo, patay

Natagpuang patay at may nakabaon pang palakol sa ulo ang sinasabing katiwala ng isang quarry site sa Surallah, South Cotabato.

Nakita ang bangkay ng biktimang si Joel Eleuterio sa bunkhouse ng quarry site sa Bgy. San Vicente, kamakalawa ng hapon.

Posible umanong tulog ang biktima nang palakulin ng hindi pa matukoy na salarin.

Wala rin umanong nakitang palatandaan ang mga imbestigador na nakapanlaban o nagtangkang tumakas pa ang biktima.

Naka-lock pa umano ang pinto nang magpunta roon ang mga pulis habang tinutugis nila ang suspek o person of interest na hindi muna tinukoy ang pagkakakilanlan.